Waosan
Waosan ngandhap punika awujud novel. Kang kaanggit dening Paulo Coelho, salah satunggalipun sastrawan saking Brazil. Buku punika kacetak tahun 2019, ing wulan Juni. Punika cetakan kaping kalih. Cetakan kapisan nalika Desember 2018.
Novel namung salah satunggal waosan saking pinten-pinten waosan ingkang wonten sakiwa tengen kita. Waosan mboten saged kaetang kathah lan jinisipun. Waosan ugi mboten saged kaukur pigunanipun.
Waosan saged paring warta maneka warna dhumateng para maosipun. Seserepan enggal bab ingkang nembe kadadosan. Pangertosan ingkang migunani kangge gesang padintenan. Malah waosan ingkang sae asring ndadosaken tiyang nggadhahi sikep luhur, kawasisan, lan kawicaksanan.
Namung kemawon. Waosan sapunika sampun kageser dening pralatan sanesipun. Media informasi ingkang sakalangkung maju ndadosaken waosan kapinggiraken. Malah kathah ingkang sampun nilaraken. Amargi barang-barang eletronik pancen langkung ngremenaken awit saking gambar ingkang cetho, lelagon ugi langkung ngresepaken.
Mboten wonten ruginipun sami remen dhateng waosan lan buku-buku sanesipun. Sumangga ngembakakaken malih maos. Supados pangertosan tansah tambah. Mugi-mugi makaten ugi kawicaksanan kita.
(Selasa Pon, 10 September 2019, nDalem Giri Asri)
Tidak ada komentar:
Posting Komentar