JAGONG

Jagong

Jagong mboten namung prekawis ndhatengi uleman saking ingkang kagungan kersa. Jagong saged kemawon ngemu mawarni-warni ancas utawi tujuan.

Jagong pancen tradisi ingkang ngemu maneka warni kapentingan. Mbok bilih mboten namung urusan sosial kemawon. Ing mriki saged kita tingali prastawa-prastawa ingkang saged dados pasinaon. Wonten ugi ingkang ngemu patuladhan-patuladhan sae.

Prosesi ingkang katindakaken sedaya wonten maknanipun. Mboten namun prosesi baku ingkang langsung gegayutan kaliyan penganten. Wonten ugi prosesi-prosesi ingkang kedadosan saking paraga-paraga sanes. Antawisipun para paraga pramuladi.

Kawiwitan kanthi arak-arakan ingkang rapi. Kalajengaken ngladekaken pasugatan ingkang sampun samekta. Sedaya wonten seninipun. Kados gesang limrahipun ingkang ngemu seni lan artosipun.

(Setu Wage, 17 Agustus 2019)