“Tambah rong ewu wae”
“Nyo. Rong ewu. Isih kurang opo ora. Wong saben dina yo melu. Ora sah angel-angelan. Eklas. Piro-piro tak bayar. Yen ora angel-angelan kabeh gaweyan kuwi diparingi lancar.”
“Iyo kurang rong ewu wae.”
“Lan ora susah nggresulo. Kabeh disukuri.”
Punika pirembagan antawisipun ibu-ibu bakul buah kaliyan kondektur Batik Solo Transt (BST). Wekdal taksih jam 06.15 ing ngajeng Pasar Gedhe Solo sak sampunipun kekalihipun sesarengan nginggahaken bronjong jeruk dhateng bus BST.
Pasinaon sae ing pirembagan punika: nindakaken pakaryan mboten sisah angel-angelan. Punapa kemawon pakaryan kita, sumangga katindakna kanthi eklas supados sadayanipun lancar. Dene wujud sukur dipun tandhani mboten wonten raos nggresula nalika sami makarya.
Wilujeng makarya kanthi eklas lan pangucap sukur.
(Solo, Jemuwah Pahing, 26 Juli 2019)
Tidak ada komentar:
Posting Komentar