Jalan Bahagia
Sampun kleru tampa rumiyin. Punika sanes resep, trik, utawi margi kangge nggayuh raos bahagya kados ingkang kita pikiraken. Sanes ugi syarat kangge mawujudaken kabahagyan ingkang kaidham-idhamaken kathah tiyang.
Jalan Bahagia makaten namung nama satunggaling margi. Manawi pun sebat margi ageng njih mboten pas. Amargi ukuranipun kirang langkung namung 3 meter jembaripun. Mbok bilih langkung pas menawi pun sebat gang.
Kenging punapa margi punika pun paringi tenger Jalan Bahagia mesthi wonten ancas utawi tujuanipun. Warga sakiwa tengenipun margi kaajab nggadhahi raos bahagya kados naminipun margi. Saged ugi sadaya tiyang ingkang miyos ing margi punika saged manggihaken kabahagyan ingkang pun udi ing gesangipun. Utawi malah mboten nggadhahi maksud punapa-punapa.
Menawi para maos kinten-kinten kados pundi?
Sadaya saged kemawon nggadhahi pemanggih bab Jalan Bahagia. Ugi saged damel lan ngupadi jalan bahagia sanesipun. Punapa ingkang dados jalan bahagia panjenengan?
(Kemis Legi, 29 Agustus 2019)
Tidak ada komentar:
Posting Komentar