30 menit
Sehat punika dados pepinginanipun saben tiyang. Mawarni-warni
cara kausahakaken supados awak tansah sehat. Kanthi awak sehat sadaya pakaryan
saged karampungaken kanthi sae.
Olahraga salah satunggalipun cara ingkang saged dipun
tindakaken. Maneka warna wujudipun olahraga punika. Wonten ingkang kedah
ngetokaken wragad kathah. Wonten ingkang murah meriah. Malah wonten ingkang
tanpa sak sen kemawon wragadipun.
Punapa kemawon jenisipun olahraga
ingkang kapilih, ingkang paling wigati mboten sanes inggih sehat. Sehat punika
langkung larang reginipun dipun bandhingaken kaliyan wragad ingkang
kasadhiyakaken.
Sehat sanes babagan ingkang cekap
pun suwun lan dipun dongakaken. Kados ingkang kita tindakaken nalika nuweni
tiyang sakit ing rumah sakit. Ingkang pun suwun pasien saged sehat lan waras
kados wingi uni.
Sehat kedah dipun usahakaken. Lan
usaha punika salah satunggalipun inggih kanthi olahraga.
Tigangdasa menit sanes wekdal
ingkang dangu kangge olahraga. Nanging mumpangatipun ageng sanget kangge
ngusahakaken sehat. Sumangga.
(Kemis Kliwon, 26 Desember 2019)
Tidak ada komentar:
Posting Komentar